السلام عليكم
اكيد الكل سمع عن التلمذة المهنية بس مايدري شنو اهي
بصفتي الثانية عالبحرين فهالبرنامج احم احم احم
حبيت بس اوضحك لكم شنو اهو بالضبط
اهو برنامج يديد فالبحرين واحنا اول دفعه فيه اهو لحد الحين يدرسونه للبحرين ل 50 طالبة فمدرسة المعرفه و 50 طالب في مدرسة معهد الشيخ خليفة
واهو برنامج يهيأ الطلبة لسوق العمل يعني يخليه يتدرب على كل الاشيا الطبيعية الي يقوم بها الموظف في سوق العمل يعني تعامل فالمدرسة كموظف وكل طالبة لها كمبيوترها ومكتبها الخاص والدراسة على طريقة البروجكت يعني كلا بور بوينت ولابتوب ومافي كلام بالعربي كلا بالانقليزي
وهاي البرنامج ما يدرسونكم فيه بس شلون تكون موظف وخلاص لا يعلمونك المواد الاساسية من عرب وريض وانج الي تفيدك حق الجامعة
احنا حاليا فالسنة الاولى قاعدين يعلمونا اشلون نكون employee (موظف) وفي السنة الثانية الي اهيا ثاني ثنوي (ثاني مهن) نروح سوق العمل يعني نشتغل في شركات عشان نطبق الي درسناه وهالسنة كان امتحانا النهائي ان نسوي معرض عن التلمذة المهنية وفيه صممنا موقع وسوينا كل الاشيا الي تتوزع على الزوار من مجلات من مجلدات من اوراق نشرات وسي دي فيه فلم عنا وحضر المعرض سعادة الوزير والاستاذ حسن صليبيخ المسؤول عن التلمذة المهنية في الوزارة وكذالك حضر فيه وفد من الوزراة ومدراء المدارس بالاضافة الا الاعلام والجرايد
يعني بكل معنى الكلمة انتو تتخرجون من البرنامج ظامنين روحكم تحصلون شغل الي تبونه او تروحون الجامعة الي تبونها خارج وداخل البحرين لان اهو يعلمك اشيا ما تتعلمها انت فالنظام العادي فالنظام العادي عندك كتاب حفظه وقدمه امتحان اهني فالتلمذة عدنا طبق الي درسته وتنجح ومايهتمون باي طريقة انت نفذت شغلك بس المهم انك تنجز الشي المطلوب وفالوقت المحدد
ومشكورين ادري طولت عليكم بالموضوع
الإثنين يونيو 09, 2008 11:33 am
